పెళ్లి పిలుపు మాత్రమే కాదు... ప్రకృతికి పచ్చని కానుక..! - ఒక్కో వెడ్డింగ్ కార్డ్... ఒక తులసి మొక్క..!.. మంచాల శంకరయ్య చారిటబుల్ ట్రస్ట్ చైర్మన్, ప్రముఖ వ్యాపారవేత్త మంచాల జ్ఞానేందర్ గుప్తా వినూత్న ఆలోచన .

- పర్యావరణ పరిరక్షణకు పెళ్లి వేడుకనే వేదికగా మార్చిన శ్రీ వారాహి దేవాలయ ధర్మకర్త. మంచాల శంకరయ్య చారిటబుల్ ట్రస్ట్ చైర్మన్, ప్రముఖ వ్యాపారవేత్త మంచాల జ్ఞానేందర్ గుప్తా.

"పర్యావరణ పరిరక్షణకు ప్రతి ఒక్కరూ తమవంతు బాధ్యత నిర్వర్తించాలనే సందేశాన్ని వినూత్నంగా చాటుతూ, ఓ కుటుంబం పెళ్లి ఆహ్వాన పత్రికనే ప్రకృతికి కానుకగా మార్చింది. సాధారణంగా పెళ్లి అనంతరం చెత్తబుట్టలో చేరే ఆహ్వాన పత్రికలు ఈసారి తులసి మొక్కలుగా మారనున్నాయి."

*వేగుచుక్క న్యూస్, నిజామాబాద్* : శ్రీ వారాహి దేవాలయ ధర్మకర్త, మంచాల శంకరయ్య చారిటబుల్ ట్రస్ట్ చైర్మన్, ప్రముఖ వ్యాపారవేత్త అయిన మంచాల జ్ఞానేందర్ గుప్తా, ప్రస్తుతం నిజామాబాద్‌లో వ్యాపారం నిర్వహిస్తూ సేవా కార్యక్రమాల్లోనూ ముందుంటున్నారు. తన కనిష్ట కుమార్తె **చి.ల.సౌ. హరిణి** వివాహం సందర్భంగా ప్రత్యేకమైన **సీడ్ పేపర్ గ్రీన్ వెడ్డింగ్ కార్డులను** ముద్రించి పర్యావరణ పరిరక్షణకు కొత్త సందేశాన్ని అందించారు.

ఈ ఆహ్వాన పత్రికలో తులసి విత్తనాన్ని పొందుపరిచారు. వివాహం అనంతరం కార్డును మట్టితో నింపిన కుండీలో నాటి, పైభాగంలో కొద్దిగా మట్టి వేసి ప్రతిరోజూ నీరు పోస్తే, కొద్ది రోజుల్లో కార్డు కరిగిపోయి అందులోని తులసి విత్తనం మొలకెత్తి చిన్న తులసి మొక్కగా మారుతుంది. ఈ విధానానికి సంబంధించిన సూచనలను ఆహ్వాన పత్రికలోనే ముద్రించడం విశేషం.

సామాజిక సేవలో ఎప్పుడూ ముందుండే జ్ఞానేందర్ గుప్తా సిరిసిల్ల, నిజామాబాద్, హైదరాబాద్ ప్రాంతాల్లో నిరుపేదలకు ఉచిత స్వర్గలోక యాత్ర వాహనాలు, బాడీ ఫ్రీజర్ సేవలు అందిస్తూ సేవాభావాన్ని చాటుకుంటున్నారు. ఇప్పుడు అదే సేవా దృక్పథాన్ని పర్యావరణ పరిరక్షణతో మేళవిస్తూ రూపొందించిన ఈ గ్రీన్ వెడ్డింగ్ కార్డులు అందరి ప్రశంసలు అందుకుంటున్నాయి.
"ఒక్కో ఆహ్వాన పత్రిక ఒక్కో మొక్కగా మారితే... ప్రతి శుభకార్యం ప్రకృతికి కూడా ఒక పచ్చని శుభారంభమే అవుతుంది" అని మంచాల జ్ఞానేందర్ గుప్తా తెలిపారు.

ఈ వినూత్న ఆలోచనను చూసిన బంధుమిత్రులు, గ్రామస్థులు, పర్యావరణ ప్రేమికులు ఆయనను అభినందిస్తూ, ఇలాంటి పర్యావరణ హిత కార్యక్రమాలను మరింత మంది అనుసరించాలని ఆకాంక్షిస్తున్నారు.